MI NAME TU WELAT NA PA...

MI NAME TU WELAT NA PA…

Waze ala,waze…
Orte na desude
Na zindane dismende
Con ser amey werd ra
Con seru jümina dürime
Con seru adıre ma şiyo we
Tu kotya ez kotyo nıka…
Zulumo çene,heşirina
Roze werena,asme werena
Sere werena,ez weren
Tu hen zere mıde
Ji çiçega kounema
Wilik dana
Mı name tu welat napa…

Usar ame,payız ame
Zımıston ame,amnon ame
Tu nama…
Waze ala,wazıke
Ma bızonime
Qey honde jümina kotme dür…
Waze mı tu kerda hu wir
Şiyo biyo bibext
Waze rajiyo…
Orte na desude
Na zindane dismende
Mıre kısawuta
Mı name tu welat na pa…
Eske tu,wenge tu
Rındekina tu
Mıre hesreta çene…
Be… werva cımune tu şer dare
Na heşrin nam erdene
Tenik serwa tuya
Serwa tu…









Zulumo çene,heşirina
Con seru peyna hard nidan
Con seru asmen niwinen
Con seru tija homete
Riye me nierzena…
Orte na desude
Na zindane dismende
Tu mıre asmena çene
Tu mıre raa,tu mıre roşta
Tu mıre harde welatya…

Sodıro…
Çinibayina tu
Merdena çene…
Ree riye hı mımıstene
Bımerin…
Ree deste hu bıdeme
Hete welatra şerin…
Nıka waxte wasturiyo
Germe parojo
Şiya kemere tik
Esta heniyema
Mı name tu welat na pa…
Sodır sonde mı wirdıra
Roze na hesretıra son
Tu wınde,
Şana tu merdena çene…





Sono…
Tariyo
Hewne hode şiyo
Deude wejiyo
Pirika mına kokıme
Dana zonüne hore
Wana ya duzgın
Tu esta!
Tornemı zalmu desta
Bıxelesne…
Sare hu pişto
Pore huyo henıyın
Dorme gosura werdiyuru
Fiştane kewi ser
Şala şae girida
Were çewerde
Rıştike risena…
Ca ca berwena
Ca ca xewerdana
Ca ca weyna jar daru dana
Wana ya duzgın tu esta
Tornemı zalmu desta
Bıxelesne…

Pirikame,
Dı ser benu merda…
Tu wani hona wesa
Le madıra…
Orte na desude
na zindane dismende
mıre wayıra…
soke ame lelke kot de
destune hu sanena miya hu
mı seru pay wındena
cerena jar daru wer
wana ya duzgın
tu esta…
tornemı zalmu desta
bıxelesne…

dımak Qalikemı
yenura mı wir
berwise mı yeno çene
be… pa biberwime
deste ma giriday
devleta patron-ağay
deuma wesnay
bonema rıznay
emege ma,çema,pagama
mı name tu welat na pa…

usaro…
hegaye were çewer
biyo qewe
derude laşer sono…
zulumo çene heşirina
orte na desude
na zindane dismende
mıra gon sona
mı name tu welat na pa…
serde na desu
letik deze tuyo…
be… adırema biweso
be… nadürin bıqediyo
na heşrin nam erdene
tenik serwa tuya
serwa tu…



Özkan ARSLAN